27 July, 2022 10:03:11 PM
സ്കൂൾ കുട്ടികൾക്ക് വില്‍ക്കാനായി കൊണ്ടുവന്ന കഞ്ചാവുമായി യുവാവ് പിടിയില്‍
കോട്ടയം: സ്കൂൾ കുട്ടികൾക്ക് വില്‍ക്കാനായി കൊണ്ടുവന്ന കഞ്ചാവുമായി യുവാവ് പിടിയില്‍. നിരവധി കഞ്ചാവു കേസില്‍ പ്രതിയായമുക്കാലി ആനിക്കാട് കൊടിമറ്റം വീട്ടില്‍ദേവസ്യ മകന്‍ ഷെബിൻ കെ. റ്റി (32) എന്നയാളെയാണ് പാമ്പാടി പോലീസ് അറസ്റ്റ് ചെയ്തത്. ജില്ലാ പോലീസ് മേധാവി കെ.കാര്‍ത്തിക്കിന്‍റെ നേതൃത്വത്തിൽ ലഹരി വസ്തുക്കളുടെ വില്പന തടയുന്നതിന്റെ ഭാഗമായുള്ള പരിശോധനയിലാണ് ഷെബിനെ പോലീസ് പിടികൂടിയത്. പരിശോധനയ്ക്കിടയിൽ ഇയാൾ കഞ്ചാവുമായി രക്ഷപ്പെടാൻ ശ്രമിച്ചെങ്കിലും പോലീസ് ഇയാളെ പിന്തുടർന്ന് പിടികൂടുകയായിരുന്നു.
ഇയാൾക്ക് പള്ളിക്കത്തോട്, കോട്ടയം ഈസ്റ്റ്, മണർകാട്, അയർക്കുന്നം, ഗാന്ധിനഗർ,വാകത്താനം,തിരുവല്ല, കാഞ്ഞിരപ്പള്ളി എന്നീ സ്റ്റേഷനുകളിലായി 15 ഓളം കേസുകള്‍ നിലവിലുണ്ട് . പാമ്പാടി എസ്.ഐ.ലെബിമോന്റെ നേതൃത്വത്തിലുള്ള പോലീസ് സംഘമാണ് പ്രതിയെ അറസ്റ്റ് ചെയ്തത്.എസ്. ഐ അംഗതൻ, സി.പി.ഓ മാരായ ജയകൃഷ്ണൻ, സാജു പി മാത്യു, അനിൽ എം.ആർ,അനിൽ ടി.എസ്, ബിജേഷ്, അജേഷ്, അനൂപ് പി എസ്, അനൂപ് വി.വി എന്നിവരും സംഘത്തിൽ ഉണ്ടായിരുന്നു.
