19 December, 2021 09:11:48 AM
നീന്തൽ പഠിക്കാൻ കുളത്തിലിറങ്ങിയ യുവാവ് മുങ്ങി മരിച്ചു
കോട്ടയം: നീന്തൽ പഠിക്കാൻ കുളത്തിലിറങ്ങിയ യുവാവ് മുങ്ങി മരിച്ചു. പുഴവാത് കൊട്ടാരച്ചിറ സ്വദേശി വിഷ്ണു (28) ആണ് മരിച്ചത്. സുഹൃത്തുക്കൾക്കൊപ്പമാണ് വിഷ്ണു നീന്തൽ പഠിക്കാനെത്തിയത്. ശനിയാഴ്ച വൈകിട്ടോടെയാണ് വാഴപ്പള്ളി വില്ലേജ് ഓഫിസിനു സമീപമുള്ള കുളത്തിലായിരുന്നു സംഭവം.
സഹോദരൻ കണ്ണനും സുഹൃത്തുക്കളും വിഷ്ണുവിനൊപ്പം ഉണ്ടായിരുന്നു. നീന്തൽ പഠിക്കാൻ ശ്രമിക്കുന്നതിനിടെ ആഴമുള്ള ഭാഗത്തേക്കു പോയപ്പോഴാണ് അപകടമുണ്ടായത്. ഹോർട്ടികോർപ് ജീവനക്കാരനാണ് വിഷ്ണു. ഭാര്യ: പ്രീതി, മകൾ: ദക്ഷ.
