03 May, 2026 04:20:54 PM
ഗുണ്ടൽപേട്ടിൽ കാറും ലോറിയും കൂട്ടിയിടിച്ച് കണ്ണൂർ സ്വദേശികളായ മൂന്നുപേർ മരിച്ചു
ബംഗലൂരു: കര്ണാടക ഗുണ്ടല്പേട്ടില് വാഹനാപകടത്തില് മലയാളികള്ക്ക് ദാരുണാന്ത്യം. കണ്ണൂർ സ്വദേശികളായ മുനീർ (30), മുനീറ (45) മോഹിസ് സിദാൻ (മൂന്നര) എന്നിവരാണ് മരിച്ചത്.ഊട്ടിയിലേക്ക് വിനോദയാത്രയ്ക്ക് പോയ സംഘമാണ് അപകടത്തില്പ്പെട്ടത്. ഏഴു പേരാണ് വിനോദ യാത്രസംഘത്തിൻ്റെ വാഹനത്തിൽ ഉണ്ടായിരുന്നത്. മലയാളിസംഘം സഞ്ചരിച്ച കാര് ലോറിയുമായി കൂട്ടിയിടിച്ചായിരുന്നു അപകടം. ഇന്ന് രാവിലെയാണ് അപകടമുണ്ടായത്. കാറിലുണ്ടായിരുന്ന അഞ്ചുപേര്ക്ക് പരിക്കേറ്റിട്ടുണ്ട്. ഇവര് ഗുണ്ടൽപേട്ടിലെ ആശുപത്രിയിൽ ചികിത്സയിലാണ്. അപകടത്തില്പ്പെട്ട കുട്ടിയെ മണിപ്പാല് ആശുപത്രിയിലേക്ക് മാറ്റിയെങ്കിലും ജീവന് രക്ഷിക്കാനായില്ല.
