29 April, 2026 07:23:28 PM
പെണ്കുട്ടികളുടെ ചിത്രങ്ങള് മോര്ഫ് ചെയ്ത് ടെലഗ്രാമില് വില്പ്പന; പ്രതി അറസ്റ്റില്
മലപ്പുറം: മലപ്പുറത്ത് ബന്ധുക്കളായ പെണ്കുട്ടികളുടേത് ഉള്പ്പടെയുള്ള ചിത്രങ്ങള് മോര്ഫ് ചെയ്ത് ടെലഗ്രാമില് വില്പ്പന നടത്തിയ കേസില് പ്രതി നിതിന് മോഹന്ദാസ് അറസ്റ്റില്. അഞ്ച് വയസ് മുതലുള്ള കുട്ടികളുടെ ചിത്രങ്ങള് വരെ നിതിന് മോര്ഫ് ചെയ്തെന്ന് പൊലീസ് പറയുന്നു. ടെലഗ്രാമില് നിന്ന് തെളിവുകള് ലഭിച്ചതിന്റെ അടിസ്ഥാനത്തിലാണ് പരപ്പനങ്ങാടി പൊലീസ് അറസ്റ്റ് ചെയ്തത്. നിതിന് ഉപയോഗിച്ച ഡിവൈസില് നിന്നാണ് ക്രൈം ചെയ്തതെന്ന് എന്ന് പരപ്പനങ്ങാടി പൊലീസ് കണ്ടെത്തി.
അടുപ്പക്കാരായ പെണ്കുട്ടികളുടെ ഇന്സ്റ്റാഗ്രാം അക്കൗണ്ടില് കയറി ഇവരുടെ ചിത്രങ്ങള് മോര്ഫ് ചെയ്ത് വില്പ്പന നടത്തുന്നതാണ് പ്രതിയുടെ രീതി. ചെറിയ കുട്ടികള് മുതല് 40 വയസ്സ് പ്രായമുള്ളവരുടെ ചിത്രങ്ങള് വരെ പ്രതി ദുരുപയോഗം ചെയ്തതായാണ് വിവരം. സംഭവത്തില് കൂടുതല് ഡിജിറ്റല് തെളിവുകള് ശേഖരിക്കുകയാണ് പൊലീസ്. ടെലഗ്രാമിനോടും വിവരങ്ങള് തേടിയിരുന്നു. പ്രതിയുടെ അറസ്റ്റ് വൈകുന്നതില് പ്രതിഷേധം ശക്തമായിരുന്നു.
