28 April, 2026 01:46:14 PM
കോതമംഗലം താലൂക്ക് ആശുപത്രിയിൽ നഴ്സിംഗ് അസിസ്റ്റന്റിന് നേരെ മർദനം
കൊച്ചി: കോതമംഗംലം താലൂക്ക് ആശുപത്രിയിൽ നഴ്സിംഗ് അസിസ്റ്റന്റിന് മർദനം. അടിപിടിക്കേസിൽ പരിക്കേറ്റ് ചികിത്സയ്ക്കായി വന്നയാളെ കാണാനെത്തിയയാളാണ് മർദിച്ചത്. കോതമംഗലം കാളിപറമ്പിൽ ജോജി ജോർജിനാണ് മർദനമേറ്റത്. ജോജിയുടെ തലയ്ക്കും ചുണ്ടിനും പരിക്കേറ്റു. സംഭവത്തിൽ തൃക്കാരിയൂർ സ്വദേശി അനീഷിനെ പോലീസ് അറസ്റ്റ് ചെയ്തു. തിങ്കളാഴ്ച രാത്രി 10.30നാണ് സംഭവം. പരിക്കേറ്റയാളെ കാണണമെന്ന് ആവശ്യപ്പെട്ട് എത്തിയ ഇയാളെ സെക്യൂരിറ്റി ജീവനക്കാരൻ തടഞ്ഞു. ഇതേച്ചൊല്ലി വാക്കേറ്റവും തുടർന്ന് സംഘർഷവുമുണ്ടാകുകയായിരുന്നു. മർദനത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്. സംഭവത്തിൽ പ്രതിഷേധിച്ച് ആശുപത്രി ജീവനക്കാർ പ്രതിഷേധ യോഗം സംഘടിപ്പിച്ചിട്ടുണ്ട്.
