12 April, 2026 11:47:02 AM
ജഡ്ജി ഹണി എം വര്ഗീസിനെ ഹൈക്കോടതി ജഡ്ജിയാക്കാന് കൊളീജിയത്തിന്റെ ശുപാര്ശ
കൊച്ചി: നടിയെ ആക്രമിച്ച കേസില് വിധി പറഞ്ഞ ജഡ്ജി ഹണി എം വര്ഗീസിനെ ഹൈക്കോടതി ജഡ്ജിയാക്കന് കൊളീജിയത്തിന്റെ ശുപാര്ശ. ഹണി എം വര്ഗീസുള്പ്പെടെ അഞ്ച് പ്രിന്സിപ്പല് ജില്ലാ ജഡ്ജിമാരെ ഹൈക്കോടതി ജഡ്ജിമാരാക്കാനാണ് ഹൈക്കോടതി കൊളീജിയത്തിന്റെ ശുപാര്ശ. ശുപാര്ശയില് സുപ്രീം കോടതി കൊളീജിയം തീരുമാനമെടുക്കും.
കൊളീജിയം ശുപാര്ശ കേന്ദ്രനിയമമന്ത്രാലയത്തിന് നല്കും. അത് രാഷ്ട്രപതിക്ക് കൈമാറും. രാഷ്ട്രപതി അന്തിമ തീരുമാനം കൈകൊള്ളും. സീനിയോറിറ്റി അടിസ്ഥാനത്തിലാണ് ശുപാര്ശ ചെയ്തിരിക്കുന്നത്. നിലവില് ആലപ്പുഴ പ്രിന്സിപ്പല് സെഷന്സ് കോടതി ജഡ്ജിയാണ് ഹണി എം വര്ഗീസ്.
ഹണിയെ കൂടാതെ തൃശൂര് പ്രിന്സിപ്പല് സെഷന്സ് ജഡ്ജി പി എസ് ശശികുമാര്, എറണാകുളം പ്രിന്സിപ്പല് സെഷന്സ് ജഡ്ജി കെ കെ ബാലകൃഷ്ണന്, പത്തംനതിട്ട പ്രിന്സിപ്പല് സെഷന്സ് ജഡ്ജി ഹരികുമാര്, തിരുവനന്തപുരം പ്രിന്സിപ്പല് സെഷന്സ് ജഡ്ജി എസ് നസീര് എന്നിവരെയാണ് ശുപാര്ശ ചെയ്തത്.
