28 April, 2025 07:34:17 PM
കോട്ടയം നഗരത്തിലെ ബൈക്ക് മോഷണം: പ്രതികളെ കമ്പത്തു നിന്നും പിടികൂടി
കോട്ടയം: കോട്ടയം നഗരത്തിലെ ബൈക്ക് മോഷണം പ്രതികളെ കമ്പത്തു നിന്നും പിടികൂടി വെസ്റ്റ് പോലീസ്. അശോക് (18),ശുക്രൻ (20) എന്നിവരെയാണ് കമ്പത്തു നിന്നും വെസ്റ്റ് പോലീസ് പിടികൂടിയത്. ജനുവരി 14 ന് രാത്രിയിലാണ് കോട്ടയം ഐഡ ജംഗ്ഷന് സമീപം പാർക്കിംഗ് ഗ്രൗണ്ടിൽ സൂക്ഷിച്ചിരുന്ന കാവാലം സ്വദേശി വിഷ്ണുവിന്റെ പൾസർ ബൈക്ക് മോഷണം പോയത്. പരാതി പ്രകാരം കോട്ടയം വെസ്റ്റ് പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു. സിസിടിവി ദൃശ്യങ്ങളും മറ്റും പരിശോധിച്ച് നടത്തിയ വിശദമായ അന്വേഷണങ്ങൾക്കൊടുവിലാണ് എസ്ഐ അംഗതന്‍, അനീഷ് വിജയന്‍, എഎസ്ഐ രാജേഷ്, സ്പെഷ്യല്‍ സിപിഒ രഞ്ജിത്ത് എന്നിവർ ഉൾപ്പെട്ട പോലീസ് സംഘമാണ് പ്രതികളെ പിടികൂടിയത്. കോടതിയിൽ ഹാജരാക്കിയ ഇരുവരെയും കോടതി റിമാൻഡ്ചെയ്തു.
