27 January, 2025 01:20:13 PM
റിപ്പബ്ലിക് ദിനം ആഘോഷിച്ച് ഏറ്റുമാനൂർ എസ് എം എസ് എം പബ്ലിക് ലൈബ്രറി
ഏറ്റുമാനൂർ: ഏറ്റുമാനൂർ എസ് എം എസ് എം പബ്ലിക് ലൈബ്രറിയുടെ ആഭിമുഖ്യത്തിൽ എഴുപത്താറാമത് റിപ്പബ്ലിക് ദിനം ആ ഘോഷിച്ചു.ലൈബ്രറി അങ്കണത്തിൽ പ്രസിഡന്റ് ജി. പ്രകാശ് ദേശീയ പതാക ഉയർത്തി. സെക്രട്ടറി അഡ്വ. പി. രാജീവ് ചിറയിൽ അധ്യക്ഷത വഹിച്ച ചടങ്ങിൽ മുൻ പ്രസിഡന്റ് എൻ. അരവിന്ദാക്ഷൻ നായർ സന്ദേശം നൽകി. കവിയും ഗാനരചയിതാവുമായ ഹരിയേറ്റുമാനൂർ പ്രതിജ്ഞ ചൊല്ലിക്കൊടുത്തു. കേരള വ്യാപാരി വ്യവസായി സംസ്ഥാന കമ്മറ്റി അംഗം എം. കെ. സുഗതൻ, നേച്ചർ ക്ലബ്ബ് കമ്മറ്റി അംഗം ജെയിംസ് പുളിയ്ക്കൻ, എഴുത്തുകാരൻ സെബാസ്റ്റ്യൻ വലിയ കാല,എ ജി ഗോപി,കമ്മറ്റി അംഗം ഇ. എൻ. ജയകുമാർ എന്നിവർ പ്രസംഗിച്ചു. കമ്മറ്റി അംഗങ്ങളായ എ. പി. സുനിൽ,വി. എൻ. ശ്രീകുമാർ,അംബിക രാജീവ്, പി.എസ് രാധാകൃഷ്ണൻ നായർ ഇഞ്ചക്കാട്ടിൽ,രാജൂ എബ്രഹാം, ഇ. ആർ.പ്രകാശ് , ഡോ രാകേഷ് പി.മൂസ്സത് എന്നിവർ നേതൃത്വം നൽകി.
