11 November, 2024 09:50:30 AM
ഏറ്റുമാനൂർ ശക്തിനഗറിൽ പിക്കപ്പ് വാൻ പോസ്റ്റുകള്‍ ഇടിച്ചു തകർത്തു; ഒഴിവായത് വന്‍ദുരന്തം
ഏറ്റുമാനൂർ: ഏറ്റുമാനൂർ എം സി റോഡിൽ ശക്തി നഗറിൽ നിയന്ത്രണം വിട്ട പിക്കപ്പ് വാൻ റോഡരികിലുളള പോസ്റ്റുകളും ട്രാൻസ്‌ഫോർമറിന്റെ വേലികെട്ടും ഇടിച്ചു തകർത്തു. ഇന്നലെ രാത്രി ഒരു മണിയോടെയുണ്ടായ അപകടത്തില്‍ ഒഴിവായത് വന്‍ദുരന്തം . എറണാകുളം ഭാഗത്തേക്ക്‌ പോകുകയായിരുന്ന കാറ്ററിംഗ് സർവീസ് ജീവനക്കാരായിരുന്നു വണ്ടിയിലുണ്ടായിരുന്നത്. മൂന്ന് പേർക്ക് നിസാര പരിക്കുകൾ ഏറ്റു. എട്ടോളം പേർ വാഹനത്തിലുണ്ടായിരുന്നെന്ന് ദൃക്സാക്ഷികൾ പറയുന്നു. ഡ്രൈവർ ഉറങ്ങി പോയതാണ് അപകടത്തിന് കാരണമെന്നാണ് പ്രാഥമിക നിഗമനം.
