10 October, 2024 04:08:30 PM
വിമാനത്താവളത്തിൽ നിന്നും വീട്ടിലേയ്ക്ക് മടങ്ങവെ പ്രവാസിയെ കാറിലെത്തിയ സംഘം ആക്രമിച്ചു
കോഴിക്കോട്: കരിപ്പൂർ വിമാനത്താവളത്തിൽ നിന്നും വീട്ടിലേയ്ക്ക് മടങ്ങവെ പ്രവാസിയെ കാറിലെത്തിയ സംഘം ആക്രമിച്ചു. ഇന്ന് പുലർച്ചെ 4.30 ഓടെ കോഴിക്കോട് പിലാശ്ശേരി സ്വദേശി ഷറഫുദ്ദീനാണ് മർദ്ദനമേറ്റത്. കരിപ്പൂർ വിമാനത്താവളത്തിൽ നിന്നും പിലാശ്ശേരിയിലെ വീട്ടിലേയ്ക്ക് പോവുന്ന വഴി കോഴിക്കോട് മുണ്ടിക്കൽതാഴത്ത് വെച്ച് ആണ് ആക്രമണം ഉണ്ടായത്. അഞ്ച് കാറുകളിൽ എത്തിയ സംഘം തടഞ്ഞു നിർത്തുകയായിരുന്നു. ഇരുമ്പ് ദണ്ഡ് ഉപയോഗിച്ച് കാറിന്റെ ഗ്ലാസ് അടിച്ചു പൊട്ടിച്ചായിരുന്നു ആക്രമണം. ഷറഫുദ്ദീനും ആക്രമണത്തിൽ പരിക്കേറ്റു. സംഭവസമയത്ത് ഷറഫുദ്ദീനും ബന്ധുവായ നാഫിസ് നിഹാലുമാണ് കാറിൽ ഉണ്ടായിരുന്നത്.
