09 June, 2024 07:20:26 PM
മൂന്നാം മോദി സര്‍ക്കാര്‍ അധികാരമേറ്റു; നെഹ്‌റുവിന്‍റെ റെക്കോർഡിനൊപ്പം മോദിയും
Updated 8.59 pm
ന്യൂഡല്‍ഹി: മൂന്നാം മോദി സര്‍ക്കാര്‍ സത്യപ്രതിജ്ഞ ചെയ്ത് അധികാരമേറ്റു. രണ്ടാം മോദി സര്‍ക്കാരിലെ ഭൂരിഭാഗം പ്രമുഖരെയും നിലനിര്‍ത്തിയാണ് പുതിയ മന്ത്രിസഭ. ഞായറാഴ്ച വൈകിട്ട് 7.15 ന് രാഷ്ട്രപതി ഭവനിൽ ആരംഭിച്ച ചടങ്ങിൽ രാഷ്ട്രപതി ദ്രൗപതി മുർമു സത്യവാചകം ചൊല്ലിക്കൊടുത്തു. ഇതോടെ നരേന്ദ്രമോദി രാജ്യത്തിന്‍റെ പ്രഥമ പ്രധാനമന്ത്രി ജവഹർലാൽ നെഹ്‌റുവിന്‍റെ റെക്കോർഡിനൊപ്പം എത്തി. ബിജെപി മുൻ ദേശീയ അധ്യക്ഷന്മാരായ രാജ് നാഥ് സിങ് (ലഖ്‌നൗ -ഉത്തർ പ്രദേശ്) രണ്ടാമതും അമിത് ഷാ (ഗുജറാത്ത്) മൂന്നാമതായും സത്യപ്രതിജ്ഞ ചെയ്തു.
പിന്നീട് ബിജെപി നേതാക്കളായ നിതിൻ ഗഡ്കരി, ദേശീയ അധ്യക്ഷൻ ജെപി നദ്ദ, മുൻ മധ്യപ്രദേശ് മുഖ്യമന്ത്രി ശിവരാജ് സിങ് ചൗഹാൻ, കഴിഞ്ഞ മന്ത്രിസഭയിലെ അംഗങ്ങളായ നിർമലാ സീതാരാമൻ (രാജ്യസഭാ - കർണാടക), എസ്. ജയശങ്കർ (രാജ്യസഭാ -ഗുജറാത്ത്), മുൻ ഹരിയാന മുഖ്യമന്ത്രി മനോഹർലാൽ ഖട്ടർ (ഹരിയാന ), ജെ ഡി എസ് നേതാവും മുൻ കർണാടക മുഖ്യമന്ത്രിയുമായ എച്ച് ഡി കുമാരസാമി, പീയൂഷ് ഗോയൽ, ധർമേന്ദ്ര പ്രധാൻ, ജിതിൻ റാം മാഞ്ചി (ബിഹാർ ), ജെഡിയു നേതാക്കളായ രാജീവ് രഞ്ജൻ (ലാലൻ) സിങ് (ബിഹാർ ), ബിജെപി നേതാക്കളായ സർബാനന്ദ സോനോവാൾ (ആസാം ), ഡോ. വീരേന്ദ്ര കുമാർ ഖദിക്ക് , ടിഡിപി നേതാവ് രാം മോഹൻ നായിഡു, ബിജെപി നേതാവ് പ്രൾഹാദ് ജോഷി, ജുവൽ ഓരം, ഗിരിരാജ് സിംഗ്, അശ്വിനി വൈഷ്ണവ്, ജ്യോതിരാദിത്യ സിന്ധ്യ (രാജ്യസഭാ മധ്യപ്രദേശ് ), ഭൂപേന്ദർ യാദവ്, ഗജേന്ദ്ര സിങ് ശെഖാവത്, അന്നപൂർണ ദേവി (ജാർഖണ്ഡ് ), കിരൺ റിജിജു (അരുണാചൽപ്രദേശ് ), ഹർദീപ് സിംഗ് പുരി, മൻസൂഖ് മാണ്ഡവ്യ (പോർബന്തർ -ഗുജറാത്ത് ), കിഷൻ റെഡ്‌ഡി (സെക്കന്ദരാബാദ് -തെലങ്കാന ) എൽ ജെ പി നേതാവ് ചിരാഗ് പസ്വാൻ (ബിഹാർ ). സി ആർ പട്ടീൽ ( നവസാരി-ഗുജറാത്ത് ), റാവു ഇന്ദർജിത് (ഗുരുഗ്രാം ഹരിയാന ), ഡോ. ജിതേന്ദ്ര സിങ് (ഉധംപൂർ ജമ്മു ), അർജുൻ റാം മേഘ്‌വാൾ (രാജസ്ഥാൻ ), പ്രതാപ് റാവു ജാദവ് (ബുൽ ദാന മഹാരാഷ്ട്ര ), ജയന്ത് ചൗധരി (ഉത്തർപ്രദേശ് ), ജിതിൻ പ്രസാദ് (പിലിഭിത്ത് ഉത്തർപ്രദേശ് ), പങ്കജ് ചൗധരി, കൃഷൻ പാൽ ഗുജ്ജർ (ഫരീദബാദ് ഹരിയാന), രാംനാഥ് താക്കൂർ (ബീഹാർ ) നിതാനന്ദ റായ് (ബീഹാർ ) അപ്‌നാ ദൾ നേതാവ് അനുപ്രിയ പട്ടേൽ (മിർസാപൂർ ഉത്തർപ്രദേശ്), ബിജെപി നേതാവ് വി സോമണ്ണ (തുംകൂർ കർണാടക), ടിഡിപി നേതാവ് ചന്ദ്രശേഖർ പെമ്മസാനി (ഗുണ്ടൂർ ആന്ധ്രാ പ്രദേശ്), എസ് പി ബാഗേൽ (ആഗ്ര ഉത്തർപ്രദേശ്), ശോഭാ കരന്തലജെ (ബംഗളുരു നോർത്ത് കർണാടക), കീർത്തിവർധൻ സിങ് (ഉത്തർപ്രദേശ് ) എന്നിവർ സത്യപ്രതിജ്ഞ ചെയ്തു.
കേരളത്തില്‍ നിന്ന് സുരേഷ് ഗോപിയും ജോര്‍ജ് കുര്യനും കേന്ദ്രമന്ത്രിമാരുടെ പട്ടികയിലുണ്ട്.
