26 February, 2024 07:48:24 PM
കോട്ടയത്ത് തീവണ്ടിക്ക് നേരെ കല്ലേറ്: യാത്രക്കാരന് പരിക്ക്; അസം സ്വദേശി പിടിയിൽ
മുട്ടമ്പലം: മദ്യലഹരിയിൽ ട്രെയിന് നേരെ ഉണ്ടായ കല്ലേറിൽ യാത്രക്കാരന് പരിക്കേറ്റ സംഭവത്തിൽ അസം സ്വദേശി പ്രവിത്ര ലഹാൻ (22) അറസ്റ്റിൽ. ഇന്നലെ ഉച്ചക്ക് 1.50 ന് കന്യാകുമാരി-പുണെ എക്സ്പ്രസ് മുട്ടമ്പലം മേൽപാലം കടക്കുമ്പോഴാണ് ഇയാൾ കല്ലെറിഞ്ഞത്. കല്ല് കൊണ്ട് ചങ്ങനാശ്ശേരി സ്വദേശി രാജൻപിള്ളയ്ക്കാണ് പരിക്കേറ്റത്.
തുടർന്ന് ഇദ്ദേഹം നൽകിയ പരാതിയിൽ റെയിൽവേ പൊലീസും ആർ.പി.എഫും സംയുക്തമായി തെരച്ചിൽ നടത്തി പ്രതിയെ പിടികൂടുകയായിരുന്നു. പ്രതി മദ്യലഹരിയിലായിരുന്നു.ഇയാളെ കോടതിയിൽ ഹാജരാക്കി റിമാൻഡ് ചെയ്തു.
റെയിൽവേ പൊലീസ് സ്റ്റേഷൻ എസ്.എച്ച്.ഒ റെജി പി. ജോസഫ്, ആർ.പി.എഫ് എസ്.ഐ എൻ.എസ്. സന്തോഷ്, കോൺസ്റ്റബിൾ കെ.എസ്. സജി, റെയിൽവേ പൊലീസ് കോൺസ്റ്റബിൾമാരായ കെ.സി. രാഹുൽ, പ്രശാന്ത്, സനു സോമൻ എന്നിവർ ചേർന്നാണ് പ്രതിയെ പിടികൂടിയത്.
