18 January, 2024 06:20:28 PM
ട്രെയിനിനകത്ത് യാത്രക്കാരനെ മർദിച്ച റെയില്‍വേ ഉദ്യോഗസ്ഥന് സസ്പെൻഷൻ
ലക്നൗ: ട്രെയിനിനകത്ത് യാത്രക്കാരനെ മർദിച്ച റെയില്‍വേ ഉദ്യോഗസ്ഥന് സസ്പെൻഷൻ. ബറൗനി- ലക്നൗ എക്സ്പ്രസിലാണ് പരിശോധനക്കിടെ ടിടിഇ പ്രകാശ് യാത്രക്കാരനെ ക്രൂരമായി മർദിച്ചത്. മർദനമേറ്റ നീരജ് എന്ന യാത്രക്കാരന്‍റെ കൈയില്‍ ടിക്കറ്റ് ഉണ്ടായിരുന്നുവെന്നും സൂചനയുണ്ട്.
അതേസമയം, താൻ തെറ്റൊന്നും ചെയ്തിട്ടില്ലെന്ന് മർദനമേല്‍ക്കുന്നതിനിടെ യാത്രക്കാരൻ പറയുന്നത് ദൃശ്യങ്ങളില്‍ വ്യക്തമാണ്. സംഭവത്തിന്‍റെ ദൃശ്യങ്ങള്‍ പ്രചരിച്ചതിന് പിന്നാലെയാണ് റെയില്‍വേ അധികൃതരുടെ നടപടി. അന്വേഷണ വിധേയമായാണ് സസ്പെൻഷൻ.
മൊബൈലില്‍ മർദിക്കുന്നതിന്‍റെ ദൃശ്യങ്ങളെടുത്ത സഹ യാത്രക്കാരനെയും ടിടിഇ മർദിക്കുകയും അസഭ്യം പറയുകയും ചെയ്തിരുന്നു. ഇതും ദൃശ്യങ്ങളില്‍ വ്യക്തമാണ്.
