05 January, 2024 03:45:57 PM
മുഖ്യമന്ത്രിയുടെ വിരുന്നിനു ക്ഷണം ലഭിച്ചിട്ടും പോകാതിരുന്നതാണ്- ആരിഫ് മുഹമ്മദ് ഖാന്‍
തിരുവനന്തപുരം: മുഖ്യമന്ത്രിയുടെ വിരുന്നിനു ക്ഷണം ലഭിച്ചിട്ടും പോകാതിരുന്നതാണെന്നു ഗവര്‍ണര്‍ ആരിഫ് മുഹമ്മദ് ഖാന്‍. രാജ്ഭവനില്‍ വന്നാല്‍ ക്ഷണപത്രം പരിശോധിക്കാം. പോകാതിരുന്നതിന്‍റെ കാരണം നിങ്ങള്‍ക്ക് അന്വേഷിക്കാമെന്നും , തന്നോട് ചോദിക്കുന്നതുപോലെ മുഖ്യമന്ത്രിയോടും ചോദ്യങ്ങള്‍ ചോദിക്കണമെന്നുമാ മറുപടി.
ഗവര്‍ണര്‍ ബിജെപി ടിക്കറ്റില്‍ മല്‍സരിക്കണമെന്ന വൃന്ദാകാരാട്ടിന്‍റെ പ്രസ്താവന അര്‍ഹിച്ച അവജ്ഞയോടെ തള്ളുന്നുവെന്ന് പ്രതികരിച്ച ഗവര്‍ണര്‍ അവര്‍ ഇതുവരെ മല്‍സരിച്ചിട്ടുണ്ടോയന്ന മറുചോദ്യവും ഉന്നയിച്ചു. വിമാനത്താവളത്തിലേക്കു പോയ ഗവര്‍ണര്‍ക്കെതിരെ ഇന്നു എസ്.എഫ്.ഐ പ്രതിഷേധം ഉണ്ടായില്ല.
