21 November, 2023 04:45:21 PM
ചങ്ങനാശേരി എസി കനാലിൽ യുവാവിന്‍റെ മൃതദേഹം കണ്ടെത്തി; ആളെ തിരിച്ചറിഞ്ഞിട്ടില്ല
കോട്ടയം: ചങ്ങനാശേരി എസി കനാലിൽ യുവാവിന്‍റെ മൃതദേഹം കണ്ടെത്തി. ചങ്ങനാശേരി- ആലപ്പുഴ റോഡിൽ പാറക്കൽ കലുങ്ക് ഭാഗത്താണ് മൃതദേഹം കണ്ടെത്തിയത്. ഇന്ന് രാവിലെയാണ് സംഭവം.
ജെസിബി ഉപയോഗിച്ച് കനാലിലെ പോള നീക്കം ചെയ്യുന്ന ജോലികൾ നടക്കുന്നതിനിടെയാണ് മൃതദേഹം കണ്ടെത്തിയത്. അഗ്നിശമന സേനാംഗങ്ങൾ സ്ഥലത്തെത്തി മേൽ നടപടികൾ സ്വീകരിച്ചു. മൃതദേഹം ആരുടേതാണ് ഇതുവരെ തിരിച്ചറിഞ്ഞിട്ടില്ല.
