18 October, 2023 09:13:37 AM
എരുമേലിയില്‍ ശബരിമല തീര്‍ഥാടകരുടെ ബസ് മറിഞ്ഞ് ഇരുപതോളം പേര്‍ക്ക് പരിക്ക്
കോട്ടയം: കോട്ടയം എരുമേലി കണമലയിൽ ശബരിമല തീർഥാടകരുടെ ബസ് നിയന്ത്രണം തെറ്റി റോഡിൽ മറിഞ്ഞു. കർണാടകയിലെ കോലാറിൽ നിന്നുള്ള തീർഥാടകരാണ് കണമല വളവിൽ അപകടത്തിൽപ്പെട്ടത്.
ഇരുപതോളം പേർക്ക് പരിക്കേറ്റു. 4 പേരെ കോട്ടയം മെഡിക്കൽ കോളേജിലും 19 പേരെ കാഞ്ഞിരപ്പള്ളിയിലെ സ്വകാര്യ ആശുപത്രിയിലും ബാക്കിയുള്ളവരെ എരുമേലിയിലെ സ്വകാര്യ ആശുപത്രിയിലും പ്രവേശിപ്പിച്ചു. രാവിലെ അഞ്ചേമുക്കാലോടെയായിരുന്നു അപകടം. ബസ് താഴ്ചയിലേക്ക് മറിയാതിരുന്നത് അപകടത്തിൻ്റെ വ്യാപ്തി കുറച്ചു .എരുമേലി പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.
