01 September, 2023 01:29:04 PM
കേന്ദ്രമന്ത്രിയുടെ വസതിയില്‍ യുവാവ് വെടിയേറ്റു മരിച്ച നിലയില്‍
ന്യൂഡല്‍ഹി: കേന്ദ്രസഹമന്ത്രി കൗശല്‍ കിഷോറിന്റെ ലക്‌നൗവിലെ വസതിയില്‍ യുവാവ് വെടിയേറ്റ് കൊല്ലപ്പെട്ടു. മന്ത്രിയുടെ മകന്‍റെ സുഹൃത്തും ബിജെപി അനുഭാവിയുമായ വിനയ് ശ്രീവാസ്തവയാണ് കൊല്ലപ്പെട്ടത്. മകന്‍ വീട്ടില്‍ സംഘടിപ്പിച്ച സല്‍ക്കാരത്തിന് പിന്നാലെയുണ്ടായ വാക്കുതര്‍ക്കമാണ് കൊലപാതകത്തിലേക്ക് നയിച്ചതെന്നാണ് സൂചന.
പോയിന്റ് ബ്ലാങ്കില്‍ തലയ്ക്ക് വെടിവച്ചാണ് യുവാവിനെ കൊലപ്പെടുത്തിയത്. മകന്‍റെ പേരിലുള്ള തോക്കാണെന്നും കൃത്യം നടക്കുമ്പോള്‍ മകന്‍ വീട്ടിലുണ്ടായിരുന്നില്ലെന്നും മന്ത്രി കൗശല്‍ കിഷോര്‍ പറഞ്ഞു. സംഭവത്തില്‍ പൊലീസ് മൂന്നു പേരെ കസ്റ്റഡിയിലെടുത്തു. സിസി ടിവി ദൃശ്യങ്ങളടക്കം പൊലീസ് പരിശോധിക്കുന്നുണ്ട്.
