31 August, 2023 11:56:33 AM
തൃശൂർ മൂർക്കനിക്കര കൊലപാതകം: നാലു പേർ അറസ്റ്റിൽ
തൃശൂർ: മൂർക്കനിക്കരയിൽ കുമ്മാട്ടി മഹോത്സവത്തിനിടെയുണ്ടായ കൊലപാതകത്തിൽ നാലു പേർ അറസ്റ്റിൽ. അനന്തകൃഷ്ണൻ, അക്ഷയ്, ശ്രീരാജ്, ജിഷ്ണു എന്നിവരെയാണ് അറസ്റ്റ് ചെയ്തത്. സംഭവുമായി ബന്ധപ്പെട്ട് സഹോദരങ്ങളായ വിശ്വജിത്തും ബ്രഹ്മജിത്തും ഒളിവിലാണെന്നും ഉടൻ പിടികൂടുമെന്നും പൊലീസ് അറിയിച്ചു.
ഇന്നലെ വൈകിട്ടാണ് കേസിനാസ്പദമായ സംഭവം ഉണ്ടായത്. മൂർക്കനിക്കരയിൽ കുമ്മാട്ടി മഹോത്സവത്തിനിടെ മുളയം സ്വദേശി അഖിലിനെ (28) കുത്തിക്കൊലപ്പെടുത്തുകയായിരുന്നു. ദേഹത്തു തട്ടിയതിനെ തുടർന്നുണ്ടായ തർക്കമാണ് കൊലപാതകത്തിൽ കലാശിച്ചത്.
