18 August, 2023 05:28:12 PM
മുട്ടിൽ മരംമുറി; അന്വേഷണ സംഘത്തിൽ നിന്ന് മാറ്റണമെന്ന് താനൂർ ഡി.വൈ.എസ്.പി
തിരുവനന്തപുരം: മുട്ടിൽ മരംമുറി കേസ് അന്വേഷണ സംഘത്തിൽ നിന്ന് മാറ്റണമെന്നാവശ്യപ്പെട്ട് താനൂർ ഡിവൈ.എസ്‌പി. അനാവശ്യ ബഹളമുണ്ടാക്കി പ്രതികൾ അന്വേഷണ സംഘത്തെ വഴിതിരിച്ചുവിടുന്നു. ഇത്തരമൊരു സാഹചര്യത്തിൽ തുടരാൻ താത്പര്യമില്ലെന്നാണ് അദ്ദേഹം പറയുന്നത്.
കേസുമായി ബന്ധപ്പെട്ട പ്രത്യേക അന്വേഷണ സംഘത്തെ നയിക്കുന്ന ഉദ്യാഗസ്ഥനാണ് ബെന്നി. കേസിൽ അന്വേഷണം ഏകദേശം പൂർത്തിയായിരുന്നു. മരങ്ങളുടെ ഡി.എൻ.എ ടെസ്റ്റും നടത്തിയിരുന്നു. ഈ മാസം അവസാനം കേസിൽ കുറ്റപത്രം സമർപ്പിക്കുമെന്ന സൂചനകൾ നിലനിൽക്കെയാണ് ഉദ്യോഗസ്ഥന്‍റെ ഭാഗത്ത് നിന്നും ഇത്തരമൊരു നീക്കമുണ്ടാകുന്നത്. കത്ത് നിലവിൽ ഡിജിപിയുടെ പരിഗണനയിലാണ്.
