09 August, 2023 12:35:17 PM
മഹാത്മാഗാന്ധിയുടെ ചെറുമകൻ തുഷാർ ഗാന്ധിയെ പോലീസ് കസ്റ്റഡിയിലെടുത്തു
മുംബൈ: ക്വിറ്റ് ഇന്ത്യാ വാർഷിക പരിപാടിയുടെ ഭാഗമായ പ്രതിഷേധ മാർച്ചിൽ പങ്കെടുക്കാൻ പോകുന്നതിനിടെ മഹാത്മാഗാന്ധിയുടെ ചെറുമകൻ തുഷാർ ഗാന്ധിയെ പോലീസ് കസ്റ്റഡിയിലെടുത്തു. സാന്താക്രൂസ് പോലീസാണ് തുഷാർ ഗാന്ധിയെ കസ്റ്റഡിയിലെടുത്തത്.
ടീസ്റ്റ സെതൽവാദ് ഉൾപ്പെടെയുള്ളവർ പങ്കെടുക്കുന്ന പരിപാടിയുടെ ഭാഗമാകാൻ പോകുന്പോഴായിരുന്നു പോലീസ് നടപടി. എന്നാൽ ടീസ്റ്റയെ പോലീസ് വീട്ടുതടങ്കലിൽ ആക്കിയിരിക്കുകയാണ്. പോലീസ് വീടുവളഞ്ഞെന്നാണ് ടീസ്റ്റ ആരോപിക്കുന്നത്.
ക്രമസമാധാനപ്രശ്നം ചൂണ്ടിക്കാട്ടിയാണ് തന്നെ തട‍ഞ്ഞതെന്ന് തുഷാർ ഗാന്ധി ട്വീറ്റ് ചെയ്തു. പിന്നാലെ തുഷാർ ഗാന്ധിയെ പോലീസ് വിട്ടയച്ചു.
