10 July, 2023 10:11:10 AM
ഭര്‍തൃമാതാവിനെ വെട്ടിക്കൊലപ്പെടുത്തി; മൂവാറ്റുപുഴയില്‍ മരുമകള്‍ അറസ്റ്റിൽ
കൊച്ചി: മൂവാറ്റുപുഴയില്‍ ഭര്‍തൃമാതാവിനെ മരുമകള്‍ വെട്ടിക്കൊലപ്പെടുത്തി. ആമ്പല്ലൂര്‍ ലക്ഷം വീട് കോളനിയിലെ നിലന്താനത്ത് അമ്മിണി(82) ആണ് കൊല്ലപ്പെട്ടത്. ഇവരുടെ മരുമകള്‍ പങ്കജത്തെ പോലീസ് അറസ്റ്റ് ചെയ്തു. ഞായറാഴ്ച രാത്രി പത്തരയോടെയാണ് സംഭവം.
അമ്മിണിയെ ആക്രമിച്ച ശേഷം ഇവര്‍ സമീപത്തുള്ള സഹോദരന്‍റെ വീട്ടിലെത്തി വിവരം അറിയിക്കുകയായിരുന്നു. അമ്മിണിയെ മൂവാറ്റുപുഴയിലെ ആശുപത്രിയിലെത്തിച്ചെങ്കിലും മരിച്ചിരുന്നു. വര്‍ഷങ്ങളായി മാനസികരോഗത്തിന് ചികിത്സയില്‍ കഴിഞ്ഞ ആളാണ് പ്രതി പങ്കജമെന്ന് പോലീസ് അറിയിച്ചു.
