09 July, 2023 04:36:56 PM
ചോക്ലേറ്റ് നല്‍കാമെന്ന് പറഞ്ഞ് ഒന്‍പതുകാരിയെ പീഡിപ്പിച്ച നാല് ആൺകുട്ടികൾ പിടിയിൽ
ബംഗുളൂരു: ചോക്ലേറ്റ് നല്‍കാമെന്ന് പറഞ്ഞ് കൂട്ടിക്കൊണ്ടുപോയി ഒന്‍പതു വയസുകാരിയെ പീഡിപ്പിച്ചു. ബംഗളൂരുവിലെ കാലാബുരാഗിയിലാണ് സംഭവം. സംഭവത്തില്‍ 12, 14 വയസുള്ള നാലുപേരെ പോലീസ് പിടികൂടി. ഇവരെ ജുവനൈല്‍ ഹോമിലേക്ക് മാറ്റി. കേസില്‍ ഉള്‍പ്പെട്ട അഞ്ചാമനായുള്ള അന്വേഷണം പുരോഗമിക്കുകയാണ്.
ബുധനാഴ്ചയാണ് സംഭവം നടന്നത്. സ്കൂളിൽനിന്ന് എത്തിയ കുട്ടി വീടിനു പുറത്തുനിൽക്കുകയായിരുന്നു. അപ്പോഴാണ് പ്രതികൾ കൂട്ടിക്കൊണ്ടുപോയത്. പീഡനവിവരം പുറത്തു പറഞ്ഞാൽ കൊല്ലുമെന്ന് അവളെ ഭീഷണിപ്പെടുത്തി. തുടർന്ന് വീട്ടിലെത്തിയപ്പോഴാണ് കുട്ടി അമ്മയോട് വിവരം പറഞ്ഞത്.
സംഭവം അറിഞ്ഞ ഉടൻ തന്നെ അമ്മ കുട്ടിയെ ആശുപത്രിയിലേക്കു കൊണ്ടുപോയി. തുടർന്ന് പോലീസിൽ പരാതി നൽകുകയും ചെയ്തു. പോലീസ് സ്ഥലത്തെത്തി നാലു പ്രതികളെയും കസ്റ്റഡിയിലെടുത്തു. ഇന്ത്യൻ ശിക്ഷാനിയമം 366എ, 376(ജി), 506 എന്നീവകുപ്പുകൾ ചുമത്തി പ്രതികൾക്കെതിരെ കേസെടുത്തു. പ്രതികൾക്കെതിരെ പോക്സോ കേസും രജിസ്റ്റർ ചെയ്തിട്ടുണ്ട്.
