21 June, 2023 09:36:42 AM
ഭാര്യയെയും മക്കളെയും കൊന്ന് കിണറ്റിലിട്ട ശേഷം ഗൃഹനാഥന്‍ ജീവനൊടുക്കി
മുംബൈ: മഹാരാഷ്ട്രയില്‍ ഭാര്യയെയും മക്കളെയും കൊലപ്പെടുത്തി കിണറ്റിലിട്ടതിന് ശേഷം ഗൃഹനഥന്‍ ജീവനൊടുക്കി. വെറ്റിനറി ഡോക്ടറായ അതുല്‍ ദിവാകര്‍(42) ആണ് ഭാര്യ പല്ലവി ദിവാകര്‍(39), മക്കളായ അദ്വൈത്(ഒന്‍പത്), വേദാന്തി(ആറ്) എന്നിവരെ കൊലപ്പെടുത്തിയതിന് ശേഷം ജീവനൊടുക്കിയത്.
പുനയിലെ ദൗണ്ട് തഹസില്‍ എന്ന സ്ഥലത്താണ് സംഭവം നടന്നത്. ഭാര്യയുടെ ശല്യം സഹിക്കവയ്യാതെയാണ് കൃത്യം നടത്തിയതെന്ന അതുലിന്‍റെ ആത്മഹത്യകുറിപ്പ് പോലീസിന് ലഭിച്ചിട്ടുണ്ട്. സംഭവത്തില്‍ പോലീസ് അന്വേഷണം ആരംഭിച്ചു.
