20 June, 2023 06:59:10 AM
ഓട്ടോറിക്ഷയ്ക്കുള്ളില്‍ കാമുകിയെ കഴുത്തറത്തു കൊന്നു: യുവാവ് അറസ്റ്റിൽ
മുംബൈ: മഹാരാഷ്ട്രയില്‍ ഓട്ടോറിക്ഷയ്ക്കുള്ളില്‍ വച്ച് യുവാവ് കാമുകിയെ കഴുത്തറത്തു കൊന്നു. മുംബൈയിലെ സകിനാക മേഖലയിലെ ഖൈരാനി റോഡിലാണ് സംഭവം. പഞ്ചശീല അശോക് ജംദാര്‍(30) എന്ന യുവതിയാണ് കൊല്ലപ്പെട്ടത്. ഓട്ടോ യാത്രക്കിടെ ഇരുവരും തമ്മിലുണ്ടായ വാക്കുതര്‍ക്കം കൊലപാതകത്തില്‍ കലാശിക്കുകയായിരുന്നു.
സംഭവത്തില്‍ ദീപക് ബോര്‍സ് എന്നയാളെ പോലീസ് അറസ്റ്റ് ചെയ്തു. സംഭവത്തിന് പിന്നാലെ സ്ഥലത്ത് നിന്നും മുങ്ങിയ ദീപക്ക് ജീവനൊടുക്കാന്‍ ശ്രമിച്ചുവെങ്കിലും പോലീസ് ശ്രമം പരാജയപ്പെടുത്തി. ഇയാള്‍ ആശുപത്രിയില്‍ ചികിത്സയിലാണ്. പ്രതിക്കെതിരെ പോലീസ് വിവിധ വകുപ്പുകൾ ചുമത്തി കേസെടുത്തു.
