19 June, 2023 07:20:19 AM
മാമ്പഴം പറിച്ചതിനെ ചൊല്ലി സംഘര്‍ഷം: രണ്ടു സഹോദരങ്ങള്‍ കൊല്ലപ്പെട്ടു
റാഞ്ചി: മാമ്പഴം പറിച്ചതിനെ ചൊല്ലിയുണ്ടായ സംഘര്‍ഷത്തില്‍ രണ്ടു സഹോദരങ്ങള്‍ കൊല്ലപ്പെട്ടു. ജാര്‍ഖണ്ഡിലെ പകുര്‍ ജില്ലയിലെ ഗണേഷ്പുര്‍ ഗ്രാമത്തിലാണ് സംഭവം. ഡേവിഡന്‍ മുര്‍മു, വക്കില്‍ മുര്‍മു എന്നിവരാണ് കൊല്ലപ്പെട്ടത്.
രണ്ടു സംഘങ്ങള്‍ തമ്മിലാണ് സംഘര്‍ഷമുണ്ടായത്. തുടര്‍ന്ന് രണ്ടുപേര്‍ക്കും ഗുരുതര പരിക്കേല്‍ക്കുകയായിരുന്നു. ഇവരെ ഉടൻ ആശുപത്രിയിലെത്തിച്ചുവെങ്കിലും ജീവൻ രക്ഷിക്കാനായില്ല. സംഭവവുമായി ബന്ധപ്പെട്ട് രണ്ടുപേരെ പോലീസ് അറസ്റ്റ് ചെയ്തു. ബാക്കിയള്ളവര്‍ ഒളിവിലാണ്.
