18 June, 2023 09:30:43 AM
സാമ്പത്തിക തർക്കം: ഡല്‍ഹി ആര്‍കെ പുരത്ത് രണ്ട് സ്ത്രീകള്‍ വെടിയേറ്റ് മരിച്ചു
ന്യൂഡല്‍ഹി: ഡല്‍ഹി ആര്‍കെ പുരത്തുണ്ടായ വെടിവയ്പ്പില്‍ രണ്ട് സ്ത്രീകള്‍ മരിച്ചു. പിങ്കി(30), ജ്യോതി(29) എന്നീ സ്ത്രീകളാണ് മരിച്ചത്. അക്രമികള്‍ക്കായുള്ള തെരച്ചില്‍ തുടരുകയാണ്. ആര്‍കെ പുരം അംബേദ്കര്‍ ബസ്തിയില്‍ പുലര്‍ച്ചെ അഞ്ചോടെയാണ് സംഭവം.
കൊല്ലപ്പെട്ട സ്ത്രീകളുടെ സഹോദരനുമായി ബന്ധപ്പെട്ട സാമ്പത്തിക ഇടപാടാണ് ആക്രമണത്തില്‍ കലാശിച്ചത്. സഹോദരനെ തേടിയെത്തിയ സംഘം ഇവര്‍ക്കു നേരെ വെടിയുതിര്‍ക്കുകയായിരുന്നു. രണ്ട് പേരെയും ഉടനെ എസ്‌ജെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
