17 June, 2023 09:18:03 AM
ബൈക്കിലെത്തിയ സംഘം പച്ചക്കറി വ്യാപാരിയെ വെടിവച്ചിട്ട ശേഷം പണം കവർന്നു
ലക്നോ: ഉത്തർപ്രദേശിൽ ബൈക്കിലെത്തിയ അക്രമിസംഘം പച്ചക്കറി വ്യാപാരിയെ വെടിവച്ച് പരിക്കേൽപ്പിച്ച് പണം കവർന്നു. ഇറ്റാവ ജില്ലയിലെ ബക്വാർ പ്രദേശത്തെ ഇക്ഗ്ര കോത്തി പ്രദേശവാസിയായ ഹരിഷ് ചന്ദ്ര എന്നയാൾക്കാണ് പരിക്കേറ്റത്. വെള്ളിയാഴ്ചയാണ് സംഭവം.
കച്ചവടത്തിന് ശേഷം ബൈക്കിൽ വീട്ടിലേക്ക് മടങ്ങുകയായിരുന്ന ഹരിഷിനെ അജ്ഞാതരായ രണ്ടുപേർ ചേർന്ന് തട‌ഞ്ഞുനിർത്തുകയായിരുന്നു. തുടർന്ന് വെടിവച്ച് പരിക്കേൽപ്പിച്ചതിന് ശേഷം അക്രമികൾ പണവുമായി കടന്നു. പരിക്കേറ്റയാളെ ആശുപത്രിയിൽ പ്രവേശിപ്പിച്ചു. സംഭവത്തിൽ അന്വേഷണം ആരംഭിച്ചതായി പോലീസ് അറിയിച്ചു.
