16 June, 2023 07:21:23 AM
ഗുജറാത്തിൽ നാശം വിതച്ച് ബിപോര്‍ജോയ് ചുഴലിക്കാറ്റ് : രാജസ്ഥാനിലേക്ക് നീങ്ങുന്നു
അഹമ്മദാബാദ്: ബിപോര്‍ജോയ് ചുഴലിക്കാറ്റിൽ ഗുജറാത്തിൽ വ്യാപക നാശനഷ്ടം. 940 ഗ്രാമങ്ങളിലെ വൈദ്യുത ബന്ധം തകരാറിലാവുകയും 22 പേർക്ക് വിവിധ അപകടങ്ങളിൽ പരിക്കേൽക്കുകയും ചെയ്തു. കനത്ത മഴയിലും കാറ്റിലും അകപ്പെട്ട് 23 മൃഗങ്ങൾ ചത്തതായും റിപ്പോർട്ടുണ്ട്.
ജഖൗ - മാണ്ഡവി മേഖലകളിലാണ് കാറ്റ് ഏറ്റവുമധികം നാശം വിതച്ചത്.വ്യാഴാഴ്ച രാത്രിയോടെ ഗുജറാത്ത് തീരത്ത് പ്രവേശിച്ച "ബിപോർജോയ്' സൗരാഷ്ട്ര, കച്ച് മേഖലകളിലാണ് ശക്തിയോടെ വീശിയത്. 120 കിലോമീറ്റർ വരെ വേഗത കൈവരിച്ച കൊടുങ്കാറ്റ് രാജസ്ഥാനെ ലക്ഷ്യമാക്കി നീങ്ങുമെന്നാണ് കാലാവസ്ഥാ വിദഗ്ധർ അറിയിച്ചിരിക്കുന്നത്.
