15 June, 2023 08:26:40 AM
ചിറ്റൂർ പലമനേരു ദേശീയ പാതയിൽ ലോറിയിടിച്ച് മൂന്ന് ആനകൾ ചരിഞ്ഞു
ചിറ്റൂർ: ആന്ധ്രാപ്രദേശിൽ ലോറിയിടിച്ച് മൂന്ന് ആനകൾ ചരിഞ്ഞു. ചിറ്റൂർ ജില്ലയിലെ പലമനേരു മണ്ഡലത്തിലാണ് അപകടം നടന്നത്. ചിറ്റൂർ പലമനേരു ദേശീയ പാതയിൽ ജഗമർള ക്രോസിൽ റോഡ് മുറിച്ചു കടക്കുന്നതിനിടെ ആനകളെ എതിരെ വന്ന ലോറി ഇടിക്കുകയായിരുന്നുവെന്ന് നാട്ടുകാർ പറഞ്ഞു.
ലോറി ഡ്രൈവറുടെ അശ്രദ്ധമൂലമാണ് സംഭവമുണ്ടായതെന്നും ഇയാൾ ഒളിവിലാണെന്നും അധികൃതർ പറഞ്ഞു. വന്യജീവി സംരക്ഷണ നിയമത്തിലെ ബന്ധപ്പെട്ട വകുപ്പുകൾ പ്രകാരം കേസ് രജിസ്റ്റർ ചെയ്യുകയും അതനുസരിച്ച് നടപടിയെടുക്കുകയും ചെയ്യുമെന്ന് വനംവകുപ്പ് അധികൃതർ അറിയിച്ചു.
