06 September, 2022 09:16:14 PM
ഇൻസ്റ്റാഗ്രാം വഴി പരിചയപ്പെട്ട പെണ്‍കുട്ടിയെ പീഡിപ്പിച്ച യുവാവ് ഏറ്റുമാനൂരില്‍ അറസ്റ്റില്‍
ഏറ്റുമാനൂര്‍: പോക്സോ കേസിൽ പ്രതി അറസ്റ്റിൽ. എറണാകുളം യു.സി കോളേജ് ഭാഗത്ത് അരിമ്പൂക്കാരൻ വീട്ടിൽ സഞ്ജു (20) എന്നയാളെയാണ് ഏറ്റുമാനൂർ പോലീസ് അറസ്റ്റ് ചെയ്തത്. ഇയാൾ അതിജീവിതയെ സമൂഹമാധ്യമമായ ഇൻസ്റ്റാഗ്രാം വഴി പരിചയപ്പെട്ട് വിവാഹ വാഗ്ദാനം നൽകി പീഡിപ്പിക്കുകയായിരുന്നു. അതിജീവിത ഈ കാര്യം അമ്മയോട് പറയുകയും തുടർന്ന് ഏറ്റുമാനൂർ പോലീസ് കേസ് രജിസ്റ്റർ ചെയ്ത് പ്രതിയെ പിടികൂടുകയുമായിരുന്നു. ഏറ്റുമാനൂർ എസ്.ഐ പ്രശോഭ് കെ.കെ, എ.എസ്.ഐ ഷാജിമോൻ, സി.പി.ഓ മാരായ ഡെന്നി പി.ജോയ്, പ്രവീൺ പി നായർ എന്നിവർ ചേർന്നാണ് പ്രതിയെ അറസ്റ്റ് ചെയ്തത്
