11 July, 2022 05:01:40 PM
ചിറ്റിലംചേരിയില്‍ തൊഴിലാളികള്‍ തമ്മിലുള്ള തര്‍ക്കത്തില്‍ അടിയേറ്റ് ഒരാള്‍ മരിച്ചു
പാലക്കാട്: ആലത്തൂര്‍ ചിറ്റിലംചേരിയിലെ തോട്ടത്തില്‍ തൊഴിലാളികള്‍ തമ്മിലുണ്ടായ തര്‍ക്കത്തില്‍ അടിയേറ്റ് ഒരാള്‍ മരിച്ചു. ആലപ്പുഴ മാവേലിക്കര സ്വദേശി ഷിജുവാണ് മരിച്ചത്. സംഭവത്തില്‍ മുടപ്പല്ലൂര്‍ സ്വദേശി അമ്പിളിദാസിനെ പോലീസ് കസ്റ്റഡിയിലെടുത്തു.
ഞായറാഴ്ച രാത്രിയാണ് കൊലപാതകം. ചിറ്റിലംചേരി പാങ്ങാട് ഭാഗത്തെ തൊഴിലാളികള്‍ തമ്മില്‍ ഞായറാഴ്ച വാക്കുതര്‍ക്കം ഉണ്ടായിരുന്നു. ഇത് പിന്നീട് സംഘര്‍ഷത്തില്‍ കലാശിക്കുകയായിരുന്നു. ഇന്നു രാവിലെ മൃതദേഹം കണ്ടതോടെ നാട്ടുകാര്‍ പോലീസില്‍ വിവരം അറിയിച്ചു. തോട്ടത്തിലെ കാര്യസ്ഥനാണ് പിടിയിലായ അമ്പിളിദാസ്. ജെസിബി ഡ്രൈവറാണ് കൊല്ലപ്പെട്ട ഷിജു.
