09 July, 2022 09:35:00 AM
യുവാവിനെ തല്ലിക്കൊന്ന് പോലീസ് സ്റ്റേഷന് മുന്നിൽ കൊണ്ടിട്ട കേസിലെ പ്രതി ജയിൽചാടി
കോട്ടയം: കോട്ടയത്ത് കൊലക്കേസ് പ്രതി ജയിൽചാടി. കോട്ടയം ഈസ്റ്റ് പോലീസ് സ്റ്റേഷന് മുന്നിൽ യുവാവിനെ തല്ലിക്കൊന്ന് കൊണ്ടിട്ട കേസിലെ നാലാം പ്രതി ബിനുമോനാണ് ജയിൽ ചാടിയത്. കോട്ടയം സബ് ജിയിലിൽ ഇന്ന് പുലർച്ചയോടെയാണ് സംഭവം. ജയിലിലെ അട‌ുക്കളയിൽ നിന്ന് പലക വച്ചാണ് ബിനുമോൻ പുറത്ത് ചാടിയത്. കഴിഞ്ഞ ദിവസം ജയിലിൽ സന്ദർശിക്കാനെത്തിയ ഭാര്യയോട് ബിനു മോൻ തനിക്ക് എത്രയും വേഗം പുറത്ത് കടക്കണമെന്ന് പറഞ്ഞിരുന്നു.
ഇയാൾ കോട്ടയത്തിന്‍റെ ചുറ്റുവട്ടത്ത് തന്നെയുണ്ടാകുമെന്നാണ് പോലീസിന്‍റെ നിഗമനം. ഇയാളെ കണ്ടെത്താനുള്ള അന്വേഷണം ശക്തമാക്കി‌യിട്ടുണ്ട്. ഷാൻ എന്ന യുവാവിനെ ഓട്ടോറിക്ഷയിൽ തട്ടിക്കൊണ്ടുപോയി കൊലപ്പെടുത്തിയതിന് ശേഷം പോലീസ് സ്റ്റേഷന് മുന്നിൽ ഉപേക്ഷിച്ച കേസിലെ പ്രതിയാണ് ബിനുമോൻ. ഇയാളുടെ ഓട്ടോറിക്ഷയിലാണ് ഷാനെ തട്ടിക്കൊണ്ടുപോയത്.
