20 October, 2021 11:17:25 PM
തീക്കോയിയിൽ മണ്ണിടിച്ചിൽ: ഉരുൾപൊട്ടലെന്ന് സംശയം; ആളപായമില്ല
കോട്ടയം: ഈരാറ്റുപേട്ടയ്ക്കടുത്ത് തീക്കോയിയില്‍ മണ്ണിടിച്ചിൽ. തീക്കോയി മംഗളഗിരി 36 ഏക്കറിലാണ് മണ്ണിടിച്ചിലുണ്ടായത്. ഇത് ഉരുള്‍പ്പൊട്ടലിന്‍റെ ഭാഗമാണോയെന്ന് സംശയം ഉ‍യരുന്നുണ്ട്.
പ്രദേശം ആൾത്താമസമില്ലാത്ത മേഖലയാണ്. ചുറ്റുമുള്ള രണ്ടേക്കറിൽ ആൾതാമസമില്ല. രാത്രിയായതിനാലും മഴയായതിനാലും സ്ഥിരീകരണത്തിന് തടസങ്ങളുണ്ട്. പൂഞ്ഞാറില്‍ ഒരു മണിക്കൂറിനിടെ 19 മില്ലിമീറ്റർ മഴ പെയ്തതായാണ് റിപ്പോർട്ട് ചെയ്യുന്നത്.
