18 July, 2021 03:14:44 PM
ഓഫീസിൽ ചാരായവുമായി എത്തിയ പാലാ കെഎസ്ആർടിസി സ്റ്റേഷൻ മാസ്റ്റർ അറസ്റ്റിൽ
കോട്ടയം: പാലായിലെ കെഎസ്ആർടിസി സ്റ്റേഷൻ മാസ്റ്ററെ വാറ്റ് ചാരായവുമായി പിടികൂടി. മേലുകാവ് ഇല്ലിക്കൽ സ്വദേശി ജെയിംസ് ജോർജ് പിടിയിലായത്. കെഎസ്ആർടിസി വിജിലൻസ് വിഭാഗം നടത്തിയ മിന്നൽ പരിശോധനയിലാണ് പിടികൂടിയത്. ഇയാളുടെ കൈയിൽ നിന്നും അരലിറ്റർ ചാരായവും പിടിച്ചെടുത്തു. ജോലിക്കിടെ ഇയാൾ മദ്യപിച്ചിരുന്നതായും വിജിലൻസ് ഉദ്യോഗസ്ഥർ പറഞ്ഞു
