09 June, 2021 07:59:48 AM
പാക്കിസ്ഥാനിൽ ട്രയിനുകൾ കൂട്ടിയിടിച്ചുണ്ടായ അപകടം: മരണം 65 കവിഞ്ഞു
കറാച്ചി: പാക്കിസ്ഥാനിലെ സിന്ധ് പ്രവിശ്യയിൽ പാളം തെറ്റിയ ട്രെയിനിലേക്ക് മറ്റൊരു ട്രെയിൻ ഇടിച്ചുകയറിയുണ്ടായ അപകടത്തിൽ മരിച്ചവരുടെ എണ്ണം 65 ആയി. 100 പേർക്കു പരിക്കേറ്റു. അപ്പർ സിന്ധിൽ റേതി-ധാർകി സ്റ്റേഷനുകൾക്കിടയിൽ തിങ്കളാഴ്ച വെളുപ്പിനായിരുന്നു ദുരന്തം.
കറാച്ചിയിൽ നിന്നു സർഗോധയിലേക്കു വന്ന മില്ലത്ത് എക്സ്പ്രസ് പാളംതെറ്റി മറ്റൊരു ട്രാക്കിലേക്കു വീണപ്പോൾ ആ പാളത്തിലൂടെ റാവൽപിണ്ടിയിൽ നിന്നു കറാച്ചിയിലേക്കു പോകുകയായിരുന്നു സർ സയിദ് എക്സ്പ്രസിലിടിക്കുകയായിരുന്നു.
