21 May, 2021 09:48:43 AM
മുംബൈ ബാര്‍ജ് അപകടം: ചിറക്കടവിന്‍റെ ദുഃഖമായി സസിന്‍റെ വിയോഗം
പൊൻകുന്നം: ടൗട്ടെ ചുഴലിക്കാറ്റിൽ അറബിക്കടലിലുണ്ടായ ബാർജ് അപകടത്തിൽ മരിച്ചവരില്‍ കോട്ടയം പൊന്‍കുന്നം ചിറക്കടവ് സ്വദേശിയും. ചിറക്കടവ് മൂങ്ങത്ര ഇടഭാഗം അരിഞ്ചിടത്ത് എ.എം.ഇസ്മയിലിന്‍റെ മകൻ സസിൻ (29) ആണ് മരിച്ചത്. പി.305 നമ്പർ ബാർജിലായിരുന്നു ഇദ്ദേഹം. ഒഎൻജിസി പ്രൊജക്ട് എൻജിനിയറായിരുന്നു. മൂന്നുവർഷം മുമ്പ് ജോലിയിൽ പ്രവേശിച്ച സസിൻ മൂന്നുമാസം മുമ്പ് നാട്ടിലെത്തി മടങ്ങിയതാണ്. സിൽവി ഇസ്മയിലാണ് മാതാവ്. സഹോദരങ്ങൾ: സിസിന, മിസിന.
