29 July, 2020 11:35:59 AM
കോട്ടയത്ത് റെയിൽവേ ട്രാക്കിലേക്ക് മണ്ണിടിഞ്ഞു വീണു; ട്രയിൻ ഗതാഗതം സ്തംഭിച്ചു
കോട്ടയം: കനത്ത മഴയെതുടർന്നു കോട്ടയത്ത് റെയിൽവേ ട്രാക്കിലേക്ക് മണ്ണിടിഞ്ഞു വീണു. ഇതേതുടർന്ന് വേണാട് എക്സ്പ്രസ് ചങ്ങനാശേരിയിൽ പിടിച്ചിട്ടു. ബുധനാഴ്ച രാവിലെയാണ് പ്ലാന്‍റേഷൻ കോർപ്പറേഷനു സമീപം ട്രാക്കിലേക്ക് മണ്ണ് ഇടിഞ്ഞു വീണത്. ജീവനക്കാർ ട്രാക്കിൽ നിന്നും മണ്ണു നീക്കുന്നു.
ചുങ്കത്ത് മരം വീണ് ഗതാഗതം തടസപ്പെട്ടു. മീനിച്ചിലാറിന്‍റെ തീരത്ത് പല സ്ഥലങ്ങളിലും മണ്ണിടിഞ്ഞു വീണിട്ടുണ്ട്. അതേസമയം, സംസ്ഥാനത്ത് മഴ തുടരുകയാണ്. തിരുവനന്തപുരം, കൊല്ലം, പത്തനംതിട്ട, ഇടുക്കി ജില്ലകളില്‍ ഓറഞ്ച് അലര്‍ട്ട് പ്രഖ്യാപിച്ചു.
