20 June, 2020 11:41:22 PM
പെട്രോൾ - ഡീസൽ വില വർദ്ധനവിനെതിരെ സിപിഐ യുടെ പ്രതിഷേധ സമരം
ഏറ്റുമാനൂർ: ദിവസം പ്രതി കുതിച്ചുയരുന്ന പെട്രോൾ ഡീസൽ വില വർദ്ധനവിൽ പ്രതിഷേധിച്ച് സിപിഐ പ്രവർത്തകർ ഏറ്റുമാനൂർ ഹെഡ് പോസ്റ്റാഫീസിന് മുന്നിൽ പ്രതിഷേധ സമരം നടത്തി. എ.ഐ.വൈ.എഫ്. ദേശീയ പ്രവർത്തക സമിതിയംഗം അഡ്വ.പ്രശാന്ത് രാജൻ ഉദ്ഘാടനം ചെയ്തു. സി.പി.ഐ.ദേശീയ പ്രക്ഷോഭത്തിൻ്റെ ഭാഗമായിരുന്നു സമരം. അഡ്വ.കെ.ആർ.മുരളീധരൻ അദ്ധ്യക്ഷത വഹിച്ചു. ഇസ്കഫ് സംസ്ഥാന ട്രഷറർ റോജൻ ജോസ്, സിപിഐ. ലോക്കൽ സെക്രട്ടറി കെ.വി.പുരുഷൻ, എ.കെ.ജബ്ബാർ എന്നിവർ പ്രസംഗിച്ചു.
