09 March, 2020 10:44:41 PM
സ്വകാര്യബസ് ലോറിയിലിടിച്ച് യുവാവിന് ദാരുണാന്ത്യം; അപകടം നടന്നത് പിണ്ണാക്കനാട്ട്
കാഞ്ഞിരപ്പള്ളി: കാഞ്ഞിരപ്പള്ളി - ഈരാറ്റുപേട്ട റോഡിൽ പിണ്ണാക്കനാട് സ്വകാര്യ ബസ് നിന്ത്രണം വിട്ട് മിനി ലോറിയിലിടിച്ചു യുവാവ് മരിച്ചു. ബസിലുണ്ടായിരുന്ന 15 ഓളം പേര്‍ക്ക് പരിക്കേറ്റു. കോരുത്തോട് മടുക്ക പാറകുന്നേൽ സെബാസ്റ്റ്യന്‍റെ മകൻ സെബിൻ (27) ആണ് മരിച്ചത്. കാഞ്ഞിരപ്പള്ളി ഭാഗത്തു നിന്നും പോയ മിനി ലോറിയിൽ എതിർ ദിശയിൽ നിന്നും മറ്റൊരു വാഹനത്തെ മറികടന്നു വന്ന സ്വകാര്യ ബസ് ഇടിച്ചു കയറിയാണ് അപകടം.
പിണ്ണാക്കനാട് സൂര്യാ ഗ്യാസിനു സമീപമായിരുന്നു അപകടം. അപകടം നടന്നയുടൻ സെബിനെ ഈരാറ്റുപേട്ടയിലെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം മോർച്ചറിയിൽ സൂക്ഷിച്ചിരിക്കുകയാണ്. പിണ്ണാക്കനാട് പോലീസ് മേൽനടപടികൾ സ്വീകരിച്ചു. ഭാര്യ: അലീന, മക്കൾ: സിയാൻ, സിയാ. കോരുത്തോട് വനിത സഹകരണ ബാങ്ക് ജീവനക്കാരി ജെസിയാണ് സെബിന്‍റെ മാതാവ്.
