05 March, 2020 09:50:03 AM
പിഞ്ചുകുഞ്ഞിന്റെ കഴുത്തില്‍ കത്തിവച്ച് നാടോടി സ്ത്രീ വീടിനുള്ളില്‍ കയറി ആഭരണങ്ങള്‍ കവര്‍ന്നു
പാലാ: പിഞ്ചുകുഞ്ഞിന്റെ കഴുത്തില്‍ കത്തിവച്ച് ഭിക്ഷാടനത്തിനെത്തിയ നാടോടി സ്ത്രീ യുവതിയുടെ 2 പവന്‍ ആഭരണങ്ങള്‍ കവര്‍ന്നു. ഭിക്ഷയ്ക്കായി പ്ലാശനാൽ തെള്ളിയാമറ്റം വാഴമറ്റത്തില്‍ ബിജുവിന്റെ വീട്ടിലെത്തിയ നാടോടി സ്ത്രീ ഇയാളുടെ മകള്‍ ജയലക്ഷ്മിയുടെ കുഞ്ഞിന്റെ കഴുത്തില്‍ കത്തിവച്ചാണ് 2 പവന്‍ കവര്‍ന്നത്. ജയലക്ഷ്മിയുടെ സഹോദരി ശ്രീലക്ഷ്മിയും മാത്രമാണ് സംഭവസമയത്ത് വീട്ടില്‍ ഉണ്ടായിരുന്നത്.
ശ്രീലക്ഷ്മി വെള്ളമെടുക്കാന്‍ വീടിനുള്ളിലേക്ക് കയറിയ സമയത്ത് വീടിനുള്ളില്‍ കയറിയ നാടോടി സ്ത്രീ ജയലക്ഷ്മിയുടെ കൈയിലിരുന്ന കുഞ്ഞിന്റെ കഴുത്തില്‍ കത്തിവയ്ക്കുകയും ആഭരണങ്ങള്‍ ഊരിനല്‍കാന്‍ ആവശ്യപ്പെടുകയുമായിരുന്നു. വീട്ടില്‍ നിന്ന് സ്ഥലം വിടുകയയും ചെയ്തു. പെട്ടെന്നുള്ള ആക്രമണത്തില്‍ സഹോദരിമാര്‍ ഭയപ്പെട്ടുപോയി. തുടര്‍ന്ന് പിതാവ് ബിജു എത്തി പോലീസില്‍ പരാതിപ്പെടുകയായിരുന്നു.
