28 January, 2020 12:08:31 AM
കുത്തിറക്കത്തിൽ ലോറി റോഡിൽ മറിഞ്ഞ് തമിഴ്നാട് സ്വദേശികളായ നാലു പേർക്ക് പരുക്ക്
മുണ്ടക്കയം: കുത്തിറക്കത്തിൽ നിയന്ത്രണം വിട്ട ലോറി റോഡിൽ മറിഞ്ഞ് തമിഴ് നാട് സ്വദേശികളായ നാലു പേർക്ക് പരുക്ക്. മുണ്ടക്കയം പറത്താനം റോഡിൽ വെട്ടുകല്ലാംകുഴിക്ക് സമീപം അൻപതേക്കർ ഭാഗത്ത് തിങ്കളാഴ്ച രാത്രി 9 മണിയോടെയാണ് അപകടം. കുഴൽ കിണർ നിർമ്മാണ ജോലി നടത്തുന്ന ലോറിയാണ് അപകടത്തിൽ പെട്ടത്.
വളവു തിരിയുന്നതിനിടെ കയ്യാലയിൽ തട്ടി വൈദ്യുത പോസ്റ്റിലിടിച്ചാണ് അപകടം. പരിക്കേറ്റവരെ മുപ്പത്തിയഞ്ചാം മൈൽ, 26-ാം മൈൽ എന്നിവിടങ്ങളിലെ സ്വകാര്യാശുപത്രികളിൽ പ്രവേശിപ്പിച്ചു. മണിമല സ്വദേശിയുടെ യൂണിറ്റിലെ വാഹനമാണ് അപകടത്തിൽ പെട്ടത്.
