06 January, 2020 04:21:43 PM
പാലാ - തൊടുപുഴ റൂട്ടിൽ അല്ലപ്പാറയിൽ വാഹനാപകടം; രണ്ട് പേർ മരിച്ചു
പാലാ: പാലാ തൊടുപുഴ റൂട്ടിൽ പ്രവിത്താനത്തിന് സമീപം അല്ലപ്പാറയിൽ വാഹനാപകടത്തിൽ രണ്ട് പേർ മരിച്ചു. ലോട്ടറി വിൽപക്കാരനായ കടനാട് കല്ലറയ്ക്കൽ താഴെ ജോസ് (50), തിർഥാടകനായ ആന്ധ്രപ്രദേശ് അനന്തപൂർ ജില്ല റായ് ദുർഗ് രാജു (40) എന്നിവരാണ് മരിച്ചത്. 9 പേർക്ക് പരിക്കുണ്ട്. അയ്യപ്പഭക്തർ സഞ്ചരിച്ചിരുന്ന വാഹനം ലോറിയിലും ബൈക്കിലും ഇടിച്ചായിരുന്നു അപകടം.
ഉച്ചയ്ക്ക് ഒന്നോടെ പാലാ-തൊടുപുഴ സംസ്ഥാന പാതയിലാണ് അപകടമുണ്ടായത്. പരിക്കേറ്റവരെല്ലാം അയ്യപ്പഭക്തരാണ്. തീര്‍ത്ഥാടകരുടെ വാഹനം ആദ്യം ലോറിയിലിടിച്ച ശേഷം സമീപത്തുണ്ടായിരുന്നു ബൈക്കിലേക്കും ഇടിച്ചു കയറുകയായിരുന്നു. അപകടത്തെ തുടർന്ന് പാലാ-തൊടുപുഴ റോഡിൽ അല്പനേരം ഗതാഗതം തടസപ്പെട്ടു. മൃതദേഹങ്ങൾ ആശുപത്രിയിലേക്ക് മാറ്റി.
