23 October, 2019 11:38:28 PM
കാഞ്ഞിരപ്പള്ളി മീഡിയ സെന്ററിന്റെ പുതിയ മന്ദിരം ഉദ്ഘാടനം ശനിയാഴ്ച
കാഞ്ഞിരപ്പള്ളി: പത്ര-ദൃശ്യ മാധ്യമ പ്രവർത്തകരുടെ സംഘടനയായ കാഞ്ഞിരപ്പള്ളി മീഡിയ സെന്ററിന്റെ പുതിയ മന്ദിരം ഉദ്ഘാടനത്തിനൊരുങ്ങുന്നു. ജില്ലാ പഞ്ചായത്ത് ഫണ്ടായ 17 ലക്ഷം രൂപ മുടക്കി നിർമ്മിച്ച പുതിയ മന്ദിരത്തിന്റെ ഉദ്ഘാടനം ശനിയാഴ്ച നടക്കും.
ജില്ലാ പഞ്ചായത്ത് പ്രസിഡന്റ് അഡ്വ: സെബാസ്റ്റ്യൻ കുളത്തുങ്കലിന്റെ ജില്ലാ പഞ്ചായത്ത് ഫണ്ട് വിനിയോഗിച്ചാണ് പുതിയ മന്ദിരം നിർമ്മിച്ചിരിക്കുന്നത്. കാഞ്ഞിരപ്പള്ളി കുരുശ്കവലയിൽ ടാക്സി സ്റ്റാൻഡിനോട് ചേർന്നാണ് 2 നിലകളിലായുള്ള പുതിയ മന്ദിരത്തിന്റെ നിർമ്മാണം പൂർത്തികരിച്ചിരിക്കുന്നത്. ശനിയാഴ്ച ഡോ.എൻ ജയരാജ് എംഎൽഎ പുതിയ മന്ദിരത്തിന്റെ ഉദ്ഘാടനം നിർവ്വഹിക്കുമെന്ന് ഭാരവാഹികൾ അറിയിച്ചു.
