15 September, 2019 08:21:54 AM
കോട്ടയം തുരുത്തി മിഷൻ പള്ളിക്കു സമീപം കാർ ടാങ്കർ ലോറിയിൽ ഇടിച്ച് ഒരാൾ മരിച്ചു
കോട്ടയം: എംസി റോഡിൽ തുരുത്തി മിഷൻ പള്ളിക്കു സമീപം കാർ ടാങ്കർ ലോറിയിൽ ഇടിച്ച് ഒരാൾ മരിച്ചു. മറ്റൊരാൾക്ക് ഗുരുതരമായി പരിക്കേറ്റു. ഞായറാഴ്ച പുലർച്ചെ 1.15നാണ് അപകടം. കുറിച്ചി തെങ്ങനാടിയിൽ അശോകന്‍റെ മകൻ ആദിനാഥാണ്(23) മരിച്ചത്. ഗുരുതരമായി പരിക്കേറ്റ ആദിയുടെ അമ്മ പ്രമീളയെ (40) മെഡിക്കൽ കോളജ് ആശുപത്രിയിൽ പ്രവേശികോട്ടയം തുരുത്തി മിഷൻ പള്ളിക്കു സമീപം കാർ ടാങ്കർ ലോറിയിൽ ഇടിച്ച് ഒരാൾ മരിച്ചുപ്പിച്ചു.
തകഴിയിലെ ഒരു മരണ വീട്ടിൽ പോയി മടങ്ങുകയായിരുന്നു സംഘമാണ് അപകടത്തിൽപ്പെട്ടത്. ചങ്ങനാശേരി ഭാഗത്തു നിന്നു കോട്ടയത്തേക്ക് പോയ ടാങ്കർ ലോറിയെ കാർ മറികടക്കുന്നതിനിടെയാണ് അപകടമുണ്ടായത്. ഇടിയെത്തുടർന്നു നിയന്ത്രണം വിട്ട ടാങ്കർ ലോറിക്കും മറ്റു വാഹനങ്ങൾക്കും ഇടയിൽപ്പെട്ട് കാർ പൂർണമായും തകർന്നു.
കാർ വെട്ടിപ്പൊളിച്ചാണ് യാത്രക്കാരെ പുറത്തെടുത്തത്. അപകടത്തെ തുടർന്ന് എംസി റോഡിൽ മണിക്കൂറുകളോളം ഗതാഗതം തടസപ്പെട്ടു.
