21 August, 2026 09:58:17 AM
കൊണ്ടോട്ടിയിൽ കോളേജിലെ ഓണാഘോഷത്തിനിടെ വിദ്യാർഥികളിൽ നിന്ന് എംഡിഎംഎ പിടികൂടി
മലപ്പുറം: കൊണ്ടോട്ടിയിൽ കോളേജ് ക്യാമ്പസിൽ ഓണാഘോഷത്തിനിടയിൽ വിദ്യാർഥികളിൽ നിന്ന് രാസലഹരിയായ എംഡിഎംഎ പിടികൂടി. വിദ്യാർഥികൾ സഞ്ചരിച്ച കാറിൽ നിന്നാണ് ഒരു ഗ്രാം എംഡിഎംഎ എക്സൈസ് സംഘം പിടിച്ചെടുത്തത്. എക്സൈസ് പട്രോളിങ് വാഹനം കണ്ട ഉടൻ തന്നെ വിദ്യാർഥികൾ കാറിൽ നിന്ന് ഇറങ്ങി ഓടുകയായിരുന്നു. സംഭവവുമായി ബന്ധപ്പെട്ട് കണ്ടാലറിയാവുന്ന മൂന്നുപേരെ പ്രതികളാക്കി എക്സൈസ് അധികൃതർ ഔദ്യോഗികമായി അന്വേഷണം ആരംഭിച്ചിട്ടുണ്ട്. ക്യാമ്പസുകളിലെ ലഹരി ഉപയോഗത്തിനെതിരെ കർശന പരിശോധനകൾ തുടരുന്നതിനിടയാണ് ഓണാഘോഷത്തിനിടെ ഈ സംഭവം ഉണ്ടായത്.
