17 May, 2023 03:23:50 PM


തമിഴ്‌നാട് വിഷമദ്യ ദുരന്തം: മദ്യമുണ്ടാക്കിയയാൾ പിടിയിൽ



ചെ​ന്നൈ: വിഷമദ്യ ദുരന്തത്തിൽ വിഷമദ്യമുണ്ടാക്കിയ ആൾ പിടിയിൽ. ചിറ്റമൂർ സ്വദേശി വിജയകുമാറാണ് പിടിയിലായത്. സംഭവശേഷം ഇയാൾ ഒളിവിലായിരുന്നു. വ്യാജമദ്യം നിർമിക്കുന്നതിനായി മെഥനോൾ വിതരണം ചെയ്ത ചെന്നൈ സ്വദേശിയും പിടിയിലായി. 1000 ലിറ്റർ മെഥനോളാണ് ഇളയതമ്പിയെന്ന ഇയാൾ നൽകിയതെന്നാണ് മൊഴി. ഇയാളുടെ 4 സഹായികളെയും പൊലീസ് കസ്റ്റഡിയിലെടുത്തു.

അതേസമയം, ത​മി​ഴ്നാ​ട്ടി​ൽ വി​ല്ലു​പു​രം, ചെ​ങ്ക​ൽ​പ്പേ​ട്ട് ജി​ല്ല​ക​ളി​ലു​ണ്ടാ​യ വി​ഷ​മ​ദ്യ ദു​ര​ന്ത​ത്തി​ൽ മ​രി​ച്ച​വ​രു​ടെ എ​ണ്ണം 22 ആ​യി ഉയർന്നു. ചൊവ്വാഴ്ച 5 പേർ കൂടി മരിച്ചതോടെയാണ് മരണസംഖ്യ വർധിച്ചത്. ചെ​ങ്ക​ൽ​പ്പേ​ട്ടി​ലെ മ​ധു​രാ​ന്ത​ക​ത്ത് 3 പേ​രും വി​ല്ലു​പു​ര​ത്തെ മാ​റ​ക്കാ​ന​ത്ത് 2 പേരുമാണ് ഇന്നലെ മരിച്ചത്.

വി​ല്ലു​പു​ര​ത്തു മാ​ത്രം 47 പേ​ർ ചി​കി​ത്സ​യി​ലു​ണ്ട്. വില്ലുപുരം മരക്കാനത്തിനടുത്തുള്ള എക്കിയാർകുപ്പത്തിൽ ഒരു സ്ത്രീയടക്കം 14 പേരാണ് മരിച്ചത്. 40ലധികം പേർ മുണ്ടിയമ്പാക്കം, ഡിണ്ടിവനം, പുതുച്ചേരി സർക്കാർ ആശുപത്രികളിൽ ചികിത്സയിലാണ്. ചെങ്കൽപെട്ട് ജില്ലയിലെ 2 ജില്ലയിൽ 2 ഗ്രാമങ്ങളിൽ വിഷമദ്യം കഴിച്ച് 2 സ്ത്രീകളടക്കം 8 പേർ മരിച്ചു. 5 പേർ ചെങ്കൽ​പ്പേ​ട്ട സർക്കാർ ആശുപത്രിയിൽ ചികിത്സയിലാണ്.

സം​ഭ​വ​ത്തി​ൽ വി​ല്ലു​പു​രം എ​സ്പി, 2 ഡി​വൈ​എ​സ്പി​മാ​ർ എ​ന്നി​വ​രു​ൾ​പ്പെ​ടെ 10 പൊ​ലീ​സു​കാ​രെ സ​സ്പെ​ൻ​ഡ് ചെ​യ്തു. ചെ​ങ്ക​ൽ​പ്പെ​ട്ട് എ​സ്പി​യെ സ്ഥ​ലം മാ​റ്റി. ര​ണ്ടു ജി​ല്ല​ക​ളി​ലും പൊ​ലീ​സ് വ്യാ​പ​ക തെ​ര​ച്ചി​ൽ തു​ട​ങ്ങി. വി​ല്ലു​പു​ര​ത്ത് 55 വ്യാ​ജ​മ​ദ്യ വി​ൽ​പ്പ​ന​ക്കാ​രെ ക​സ്റ്റ​ഡി​യി​ലെ​ടു​ത്തു. 109 ലി​റ്റ​ർ വാ​റ്റ് ചാ​രാ​യം പി​ടി​ച്ചെ​ടു​ത്തു. ക​ട​ലൂ​രി​ൽ 88 പേ​രെ ക​സ്റ്റ​ഡി​യി​ലെ​ടു​ത്തു. 22 പേ​രു​ടെ അ​റ​സ്റ്റ് രേ​ഖ​പ്പെ​ടു​ത്തി. തി​രു​വാ​രൂ​രി​ൽ 44 പേ​രെ ക​സ്റ്റ​ഡി​യി​ലെ​ടു​ത്തു.


Share this News Now:
  • Mail
  • Whatsapp whatsapp
Like(s): 3.7K