27 July, 2022 02:47:42 PM
രാജ്യത്ത് 14,830 പേർക്ക് കൂടി കോവിഡ്; 1,47,512 പേര്‍ ചികിത്സയില്‍
ന്യൂഡല്‍ഹി: കഴിഞ്ഞ 24 മണിക്കൂറിനിടെ 14,830 പുതിയ കേസുകൾ റിപ്പോർട്ട് ചെയ്തതായി കേന്ദ്ര ആരോഗ്യമന്ത്രാലയം വ്യക്തമാക്കി. ഇതോടെ രാജ്യത്ത് കോവിഡ് സ്ഥിരീകരിക്കപ്പെട്ടവരുടെ എണ്ണം 4,39,20,451 ആയിട്ടുണ്ട്. ചൊവ്വാഴ്ച 36 മരണങ്ങളും റിപ്പോർട്ട് ചെയ്തു. ആകെ മരണസംഖ്യ 5,26,110 ആയി. ചികിത്സയിൽ കഴിയുന്നവരുടെ എണ്ണം 1,47,512 ആയി ഉയർന്നു. ആകെ രോഗബാധിതരുടെ 0.35 ശതമാനമാണ് നിലവിലെ സജീവ കേസുകള്‍. രാജ്യത്തെ രോഗമുക്തി നിരക്ക് 98.45 ശതമാനം.
