22 September, 2021 08:33:17 AM
കല്‍ക്കരി ലോറിയുടെ രഹസ്യ അറയില്‍ 2.25 കോടിയുടെ കഞ്ചാവ്: മൂന്ന് പേർ അറസ്റ്റിൽ
ഭൂവനേശ്വർ: ഒഡീഷയില്‍ രണ്ടു കോടിയിലധികം രൂപ വിലമതിക്കുന്ന കഞ്ചാവുമായി മൂന്ന് പേര്‍ പിടിയില്‍. മാല്‍കാംഗിരിയില്‍ നിന്നുമാണ് ഇവരെ അറസ്റ്റ് ചെയ്തത്. 2,256 കിലോ കഞ്ചാവ് ഇവരില്‍ നിന്നും കണ്ടെടുത്തു. ഇതിന് ഏകദേശം 2.25 കോടി രൂപ വിലമതിക്കും.
ഒഡീഷയിലെ ചിത്രക്കൊണ്ടയില്‍ നിന്നും ചത്തീസ്ഗഡിലെ റായ്പുരിലേക്ക് കൊണ്ടുവരികയായിരുന്നു കഞ്ചാവ്. കല്‍ക്കരി കൊണ്ടുപോകുന്ന ലോറിയുടെ രഹസ്യ അറയില്‍ ഒളിപ്പിച്ച നിലയിലായിരുന്നു ഇവ. അറസ്റ്റ് ചെയ്തവരെ പോലീസ് കൂടുതല്‍ ചോദ്യം ചെയ്തുവരികയാണ്.
