30 May, 2021 10:02:19 AM
ബ്രിട്ടീഷ് പ്രധാനമന്ത്രി ബോറിസ് ജോണ്‍സൺ മൂന്നാമതും വിവാഹിതനായി: വിവാഹം കുഞ്ഞ് ജനിച്ച് മാസങ്ങൾക്ക് ശേഷം
ലണ്ടൻ: ബ്രിട്ടീഷ് പ്രധാനമന്ത്രി ബോറിസ് ജോണ്‍സണും കാമുകി കാരി സിമണ്ട്‌സും വിവാഹിതരായി. വെസ്റ്റ്മിന്‍സ്റ്റര്‍ കത്തീഡ്രലില്‍ നടന്ന ചടങ്ങില്‍ അടുത്ത ബന്ധുക്കളും സുഹൃത്തുക്കളുമായി 30 പേർ മാത്രമാണ് പങ്കെടുത്തത്. ഇരുവരും അടുത്ത വര്‍ഷം ജൂലൈ 30ന് വിവാഹിതരാകുമെന്നായിരുന്നു നേരത്തെയുണ്ടായിരുന്ന സൂചന.
56കാരനായ ബോറിസിനും 36കാരിയായ കാരിക്കും കഴിഞ്ഞ വര്‍ഷം കുഞ്ഞ് ജനിച്ചിരുന്നു. വില്‍ഫ്രഡ് ലൗറി നിക്കോളാസ് എന്നാണ് ഈ കുഞ്ഞിന്‍റെ പേര്. ബോറിസ് ജോൺസന്‍റെ മൂന്നാമത്തെ വിവാഹമാണിത്. അലിഗ്ര മോൻസ്റ്റിനാണ് അദ്ദേഹത്തിന്‍റെ ആദ്യ ഭാര്യ. ആറ് വർഷം നീണ്ട ദാമ്പത്യത്തിനു ശേഷം അദ്ദേഹം മരീന വീലറെ വിവാഹം ചെയ്തു. ഇരുപത്തിയഞ്ച് വർഷത്തെ ഈ ബന്ധത്തിൽ ബോറിസിന് നാലു മക്കളുമുണ്ട്. 2018ൽ ഇരുവരും വേർപിരിഞ്ഞു.
