15 July, 2020 07:25:59 AM
യുഎസ് - കാനഡ അതിർത്തിയില്‍ യാത്രാനിരോധനം 30 ദിവസം കൂടി തുടരും
വാഷിംഗ്ടണ്‍: അമേരിക്ക- കാനഡ അതിർത്തിയിലൂടെയുള്ള യാത്രാനിരോധനം 30 ദിവസം കൂടി തുടരും. കനേഡിയൻ സർക്കാരിനെ ഉദ്ധരിച്ച് പ്രാദേശിക മാധ്യമങ്ങളാണ് ഇക്കാര്യം റിപ്പോർട്ട് ചെയ്തത്. നിലവിൽ പ്രഖ്യാപിച്ചിരിക്കുന്ന നിയന്ത്രണം ജൂലൈ 21ന് അവസാനിക്കാനിരിക്കെയാണ് പുതിയ തീരുമാനം.
കോവിഡ് സ്ഥിതിഗതികൾ കൂടുതൽ രൂക്ഷമായ സാഹചര്യത്തിലാണ് നിയന്ത്രണം തുടരുന്നത്. മാർച്ച് 21ന് അതിർത്തി അടച്ചതിനുശേഷം ഇത് നാലാം തവണയാണ് തീരുമാനം പുതുക്കുന്നത്. അതിർത്തിയിലെ ഗതാഗത, യാത്രാ നിയന്ത്രണം ഉൾപ്പെടെ വിഷയങ്ങൾ പ്രധാനമന്ത്രി ജസ്റ്റിൻ ട്രൂഡോയും അമേരിക്കൻ പ്രസിഡന്‍റ് ഡോണാൾഡ് ട്രംപും തിങ്കളാഴ്ച ഫോണിൽ സംസാരിച്ചിരുന്നു.
